Saturday, December 9, 2023
HomeHyderabadBairooni mazdooron ki dobarah Hyderabad wapsi

Bairooni mazdooron ki dobarah Hyderabad wapsi

Shehar Hyderabad mein corona ki shiddat mein batadreej kami aur lockdown ke auqaat mein kami ke baad naqal makani karne walay mazdoor dobarah Telangana ke dar-al-hakoomat hyderabad wapas ho rahay hain jis ke nateeja mein Secundrabad railway station mein musafireen ka barray pemana par hajhoom dekhjaraha hai. riyasat mein corona ki doosri lehar ke sabab lock down nafaz kr dekhagaya tha jis ke nateeja mein shehar se kayi naqal makani karne walay mazdoor aur chhota mota kaam karne walay afraad –apne aabadi maqamat ke liye rawana hogaye they. un mein Aise mulazimi bhi shamil jo padousi riyasat k hai aur sheron me factory me kam krte hai.

Telangana hukoomat ney subah 6 bajey se shaam 5 bajey tak lock down mein narmi di hai jis ka faida uthatay hue yeh naqal makani karne walay mazdoor aur chhota kaarobar karne walay dobarah hyderabad wapas ho rahay hain jis ke nateeja mein secundarabad railway station par musafiron ka hajhoom aik martaba phir dekha jaraha hai. naqal makani karne walay mazdooron ko yaqeen hai ke is haftay ke baad din ka lock down khatam hojaye ga aur halaat mamool par anay se unki mazdoori aur rootti rozi ka intizam hojaye ga.

ALSO READ: Bus chalane wale kam musafir ziyada, Ziyada Bus chalanay ki zaroorat

Hyderabad se daur daraaz maqamat ke liye chalaye jaaney wali RTC Bus khidmaat se bhi yeh mazdoor istifada kar rahay hain jis ke nateeja mein un buson mein musafireen ki barri tadaad dekhi jarahi hai. doosri janib shehar hyderabad mein lock down ke rehnumaiyana khutoot ki khilaaf warzi karne walay taqreeban 60 afraad ko police ne hirasat mein le kar un ki counseling ki. falaknuma police ne falaknuma police station ke hudood ke tegalkunta aur is ke atraaf ke ilaaqon mein operation chabotra chalaya. police ne is karwai ke douran 60 nojawanon ko hirasat mein le liya jo lock down ke qawaid ki.

Lockdown ke douran raat dergye shehar ke mukhtalif maqamat par paish anay wali juraim ki wardaton mein izafah ke paish e nazar yeh chabotra operation shehar ke mukhtalif police stationon ke hudood mein raat der gaye chillate hue lock down ke qawaid ki khilaaf warzi karne walon ko hirasat mein le kar un ki counseling ki jarahi hai. is mauqa par DCP south zone gajrav bhopal nay aik function hall mein un hirasat mein liye gaye nojawanon ki counseling ki.

Unhon ney un nojawanon par zor diya ke woh raat mein sarkon par aawara gardi karne aur ghair zurori tour par ghoomnay ke bajaye –apne career saazi par tavajja makooz karey . unhon ney kaha kay mustaqbil mein aisi mazeed karwaiya ki jayen ge. unhon ney kaha kay walidain ko chahiye ke woh –apne bachon ki rahnumai karen aur is baat ko yakeeni banayen ke woh lock down ke douran gharon ke bahar sarkon par aawara gardi nah karen aur ghair zaruri tour par nah phrin.