Bareilly: Uttar Pradesh ke Bareilly shehar mein 4 afraad par apne dost ki biwi ki esmatdari karne ke ilzaam mein muqadma darj kiya gaya hai. It-tila-aat ke mutabiq, Ye waqea jummay ki shab shehar ke Sirouli ilaqay mein pesh aaya tha. Lekin khatoon ne Itwaar ke roz ye shikayat darj karwai hai.
Mutasirah khatoon ne apni shikayat mein kaha ke, Charoun mulzim, Jo is ke padosi hain, Is waqt is ke ghar aaye, Jab wo akeli thi aur unhoun ne gun point par is ki esmatdari ki. Is ke baad unhoun ne is ka gala kaatnay ki koshish ki lekin wo bachne mein kamyaab hogayi aur cheekhnay lagi, Jis ke baad khatray ko dekhte hue wo mulzmin farar ho gaye.
Un mulzmien ne jaanay se pehlay usko dhamki di ke agar wo is waqeye ke baarey mein shikayat ki to sangeen nataij bhugatna hoga. Itwaar ke roz, Mutasirah khatoon ne SP ( crime ) R.K Bhartiya se mulaqaat ki. Aur shikayat darj kary. Bhartiya ne Sirouli police station ke SHO Sanjay Garg ko is waqeye ki tehqiqaat karne ka hukum diya. Mutasera khatoon ke shohar ko ek kilogram chars ke sath pakdae jaanay ke baad filhaal wo Moradabad District jail mein qaid hai.
Apni shikayat mein, Khatoon ne ilzaam lagaya ke ek mulzim ne is ke shohar ke khilaaf saazish ki thi aur usay manshiat ki smuggling ke muamlay mein giraftar karwaya tha. Sanjay Garg ne kaha’ hum ne charoun mulzmin ke khilaaf dafaa 376 D ( ijtimai esmatdari ), 452 ( qatal ke iraday se ghar mein daakhil honay ), Aur 307 ( qatal ki koshish ) ke tehat muqadma darj kiya hai. Aur khatoon ka tibbi muaina karwaya hai. Unhoun ne kaha ke tamam mulzmin mutasirah khatoon ke shohar ke dostoun. Ab wo mafroor hain, Hum ne unki giraftari ke liye temen tashkeel di hin“. –YTN STAFF