Lok Sabha ki 4 nashiston ke munjmala 2 halqon par shikast. 10 Assembly halqon mein sirf aik par kamyabi
Hyderabad. Mulk ki gayarah reyaston mein 4 Lok Sabha nashiston aur 10 Assembly halqon ke intikhabaat mein bhartia janata party ko qarari shikast hui hai. BJP ko do Lok Sabha nashiston aur aik Assembly nashist par kamyabi haasil hui hai. utar pardesh mein jahan BJP ki hukoomat hai, is baar bhi zimni intikhabaat mein shikast ka saamna karna para. congress aur ilaqai partiyon ney BJP ko peechay dhakel diya hai. qaumi partiyon ney 4 aur ilaqai partiyon ney 6 nashiston par kamyabi haasil ki jabkay BJP ney utar khand ki aik nashist bachanay mein kamyaab hopayi hai. utar pardesh ki ahmiyat ki haamil Kairana Lok Sabha nashist se wifaqi mahaaz ki umeed waar Tabassum Begum (Rashtriya Lok Dal) ney BJP umidwarah Mriganka Singh ko shikast day di. yeh nashist Mriganka ke waalid hukum singh ke foat hojane ke baais khaali hogayi thi. maharashra ke Palgarh se BJP umeed waar Rajindra Goit aur Gondia Bhandra Lok Sabha nashist se an si pi ke mdhokr Kukde ney BJP ke Hemant Patel ko shikast di. zimni intikhabaat mein BJP ki paspaai se yeh qiyaas kya ja raha hai ke 2019 ke aam intikhabaat mein BJP ko oppostion partiyon ke wifaqi mahaaz se khatrah peda ho sakta hai, lekin yeh bhi dekha gaya hai ke zimni intikhabaat mein awam ka jo rujhan rehta hai woh aam intikhabaat taq barqarar nahi rehta hai. aik gosha ka yeh bhi maanna hai ke zimni intikhabaat mein brsraqtdar party ko shikast se is liye bhi dochar kya ja sakta hai ke log electronic voting machinon mein garbar ki baton ko faramosh karjayen taakay aindah phir yeh masla zor pakarney lagey to yeh misalein di ja sakti hain ke zimni intikhabaat mein to brsraqtdar party ko shikast ka saamna karna para tha