Beijing: Duniya bhar mein loog afaat samawi se kaafi pareshan hotay hain kyunkay inhen un afaat ki wajah se jani aur maali nuqsaan bardasht karna padta hai, Sath mahireen Technology har lamha is justojoo mein lagey rehtay hain ke aisi akhtraay Technology banai jaye jo kay afaat samawi se qabal hi awam ko is ka intibah day taakay jani aur maali nuqsanaat ko kam kiya jasakay aur aksar Zalzalay atay hain jo khofnaak hotay hain aur un se bachney ke liye ahteyati tadabeer karne ke hawalay se mahireen Agah karte rehtay hain, Isi hawalay se ek inqilab Mobile Technology mein aaya hai jaissa ke Mobile bananay wali maroof company ki taraf se elaan kiya gaya hai ke aisa Smartphone muta-arif karaya jayega jo zalzala se qabal sarfeen ko aagah kar day ga.
Tafseelaat ke mutabiq Mobile bananay wali maroof company Vivo ki janib se elaan kiya gaya hai ke bohat jald aisa Smartphone muta-arif karwaenge jo zalzala anay se qabal hi sarfeen ko khabardaar kar dayga. Vivo company ke tarjuman ne ye elaan karte hue kaha ke company ek aisay Mobile phone ki tayari kar rahi hai jis mein mausam se mutaliq Features( Sahuliyaat ) ko shaamil kiya jayega, Feature ka bunyadi maqsad zalzala anay se qabal sarfeen ko khabardaar karna hoga.
Vivo ka anay wala naya Smartphone zalzalay se aagah karne ke sath sath un jaghoun ki nishandahi bhi kerega jahan zalzala anay ke imkanaat honge, ye Feature sarfeen ko mutasirah jagah ki pal pal ki sorat-e-haal se bhi aagah rakhay ga.
Company ke tarjuman ke mutabiq ye Features sarfeen ko zalzala anay se qabal ye bhi betayega ke kitney Minute ya Second mein zalzala is jagah par anay wala hai, Doosri janib ye Features hungami panah gaahoun se mutaliq bhi maloomat faraham kerega. Unhoun ne mazeed kaha hai ke ye Features filhaal aazmaishi marahil mein hai is liye is phone ke hawalay se mazeed tafseelaat jari nahi ki ja saktee.n –YTN STAFF