Sydney: Australiyai opener David warner zakhmi honay ki wajah se Adelaide mein 17 decemeber ko Hindustan ke khilaaf shuru honay walay pehlay test match se bahar hogaye hain. Inhen poori fitness haasil karne mein abhi mazeed 10 din lagenge aur woh 26 decemeber ko melbourne mein shuru honay walay dosray test match mein wapsi kar saktay hain. Hindustan ke khilaaf haal hi mein khatam hui ODI series ke dosray match mein fielding ke douran warner ke azlaat mein kheechao aagaya tha aur jiske baad woh mehdood over ski series se bahar hogaye. woh fil haal khusoosi ilaaj ke liye sydney mein hain jabkay team ke baqi khiladi Adelaide rawana honge.
Warner ne kaha mein jaldi se sehatyab horaha hoon aur ilaaj ke liye mere liye sydney mein qiyam behtar hoga. Mein zakham se kaafi had tak nijaat haasil kar chuka hon lekin test match mein apna sad feesad muzahira karne ke liye abhi bhi mujhe zehni tor par khudko taiyaar karna baqi hai. Is mein wicketon ke beech daud lagana aur fielding karna shaamil hai. mein abhi apni foot knees par poori terhan se mutmaen nahi hon aur mukammal tor par sehat yab honay mein abhi mazeed 10 din lagenge. Australia ke coach Justin langer ne warner ke boxing day test tak poori terhan foot honay ki tawaqqa hai.
Unhon ne kaha ke warner jis maqam par hain iske liye unhon ne kaafi jad-o-jehad ki hai aur hamein umeed hai ke Melbourne test ke liye poori tarhan foot rahenge. warner ki ghair mojoodgi mein will pocoski unki jagah ke liye dawaydaar hain lekin inhen India A ke khilaaf teen roza practice muqablay ke teesray din kartik tyagi ki gaind helmet par lagi thi. Pocoski halkay zakham ke shikaar hue hain aur is se nijaat haasil karne ki haalat mein hi Adelaide test mein career ka aaghaz kar saktay hain.