Auckland: Fast bowler Neil Wagner ne Newzealand ka pehla cricket test zakhmi peer ke sath Pakistan ke khilaaf khela mukammal kiya tha lekin woh dosra test nahi khail payenge aur Inhen is zakham se mukammal sehat yabi ke liye 6 haftoun ka waqt darkaar hai. Wagner ko pehlay test ke dosray din batting karte hue Pakistan ke fast bowler shaheen Afridi ki gaind lagi thi jiski wajah se unke dahne paiir par 2 fracture aaye hain. Zakhmi honay ke bawajood Wagner ne Pakistan ki pehli inning mein 21 aur doosri mein 28 over ki bowling ki thi. Dobarah bowling mein wapas aanay se qabal unhon ne dard kam karne walay injection bhi liye thay. Doosri inning mein unhon ne 11 over seen ka mirathn spell karte hue do ahem wickten haasil kee aur is muqablay mein newzealand ne 101 runs se kamyabi haasil ki.
Darin asna Pakistani captain Mohammad rizwan zakhmi honay ke bawajood pehlay test mein bowling jari rakhnay ki Wagner ki koshisho par bhar poor pazirayi ki. Rizwan ne kaha mein Neil Wagner ki wazahat nahi karsaktha. Zakhmi paiir ke sath lagataar 11 over karna mushkil tareen kaam hai woh ek ghair mamooli khiladi hain. Un ka jarehana mizaaj unke muzahiron ki khoobsurat hai. woh ek badeay bowler hain.
Newzealand ke captain Kane Williamson jo pehlay test mein mean of the match rahay unhon ne Wagner ki himmat aur lagan ki tareef ki. Kane ne kaha ke is waqea ke baad har koi Wagner ki himmat aur unke badey dil ki baat kar raha hai lekin kisi ko unki tooti hui unglio aur is ki takleef ka andaza nahi hai. is muqablay mein hum Wagner ko dard kam karne ke injection lagwakar bowling dalwa rahe thay aur jab injection ka assar rehta tab hum ne unse bowling karwai. Yeh ek anokha tajurbah tha aur khaas kar Wagner ke liye.