Sydney: Hindustan ke fast bowler Umesh Yadav dosray test match ke douran pindli ke zakham ki wajah se Australia ke khilaaf aindah do test muqablon se bahar hogaye hain jabkay baen haath ke fast bowler T.Natarajan ko sydney mein 7 January ko shuru honay walay teesray Yadav ki jagah team mein shaamil kiya gaya hai.
Yadav Melbourne mein boxing test ki doosri inning ke douran pitch ke beech may girgaye thay jahan pindli mein sakht chot lagnay se inhen is doray se bahar hona pada. Hindustan ke fast bowler Mohammad Shami bhi zakhmi honay ki wajah se pehlay hi doray se bahar ho chukay hain. Shami pehlay test ke baad bahar hue thay aur dosray test mein unki jagah fast bowler Mohammed siraj ne test career ka aghaaz kiya tha. Yadav ke bahar honay se ab Hindustan ko apne do ahem fast bowlron ke baghair hi sydney mein teesray test mein maidan par utarna hoga. Ishant sharma series shuru honay se pehlay hi doray se bahar hogaye thay.
Hindustan ki team ke paas tajurbah kar fast bowler ki shakal mein sirf Jasprith bumrah mojood hain. team mein Navdeep saini aur shradul Thakur bhi mojood hain jabkay Natarajan net bowler ke tor par team ka hissa thay. Natarajan ko yadav ke bahar honay ke baad team mein shaamil kya gaya hai. sydney test mein ek aur fast bowler ke test career ka imkaan hai aur umeed ki jarahi hai ke shayad saini ko moqa diya jasakta hai lekin agar IPL aur australia ke khilaaf mehdood kin hain.