Sunday, July 6, 2025
HomeSliderZabiuddin School Games ke Organising Secretary muqarrar

Zabiuddin School Games ke Organising Secretary muqarrar

Hyderabad. Hukomat, Telangana mein School children mein khel kood ke farogh ke liye mandal sateh par bhi iqdamaat kar rahi hai. Khel Kood ko farogh dainay ki policy ke hissa ke taur par ibtida mein mandal sateh par Inter School muqablay munaqqid kiye jarahay hain. Is programme ke hissa ke taur par Bahadurpura mandal mein khelon ke muqaabla ke ineqad ke liye aaj Deputy Education Officer Mr. Ravi Kumar ki sadarat mein aik ijlaas munaqqid huwa jis mein senior Physical Director Janaab S. I. K. Zabiuddin ko Organizing Secretary muqarrar kiya gaya hai. Bahadurpura mandal mein 10 taa 12 September Kho-Kho, Kabbadi aur Volleyball stream mein muqablay munaqqid honge jis mein mandal ke tamam sarkari aur ghair sarkari recognised Schools ke tulba hissa le satke hain. Janab l Zabiuddin ney school intizamia se khwahish ki ke woh un muqablon mein hissa lainay ke liye apne idaron ka registration 6 taa 8 September Umdah Bazaar School mein karwaen. Unhon ney bataya ke mandal sateh par muqablon ke baad zilai sateh ke muqablay aur phir reyasti sateh ke muqablay bhi munaqqid kiye jayenge taakey school mein zair e taaleem tulba mein nisabi taleem ke sath sath khel kud ka bhi shauq parwan chadhe. Is mauqa par Bahadurpura mandal ke Senior Physical Directors Mrs. Sajid Hussain Junaidi, K Mahesh, Raju, Salahuddin, Khadeer Baswa aur mohtarma G Venkat Laxmi bhi maujood thay.