New Delhi : Sadar jamhooria Ramnath Kovind 5 September ko Youm-e-Asateza ke mauqa par asatezah ko qaumi aizaz ( National Teacher Award 2019 ) se nawaazainge. yeh awards mulk ke 46 asateza ko diye jayenge. qaumi award har saal Vigyan bhavan mein diya jata hai.
Wizarat human Resource development ( MHRD ) nay asateza ki fehrist pehlay hi jari kardi hai, jinko sadar jamhooria kal aizaz se nawaazainge. wizarat nay 6 May se 25 June tak award ke liye namazdigyan talab ki theen.
Asateza ko 3 mukhtalif sathoun par award ke liye muntakhib kiya gaya hai. umeedwaroun ki jaanch padhtaal pehlay zila selection committee karti hai. zilai committee ke zareya muntakhib kardah umeedwaroun ke naam ek reyasti selection committee ko bheje jatay hain, jo apni sifarshaat azad qaumi jury ko bhejti hai.
Asateza ko qaumi award dainay ki scheme 1958 mein shuru ki gayi thi. iska bunyadi maqsad asateza ki saakh ko badhana aur primaray, middle aur secondary schoolon mein kaam karne walay honahaar asateza ki khidmaat ko qubool karna hai.
Is ke liye har saal 5 September ko, sabiq saddar wo maahir taleem Dr Sarvepalli Radhakrishnan ki yom-e-paidaiesh par, Youm-e-Asateza manaaya jata hai aur is mauqa par sadar jamhooria hind ki janib se qaumi award diya jata hai. is baar Youm-e-Asateza ke mauqa par sadar jamhooria Ramnath Kovind mulk bhar se muntakhib kiye gay 46 asateza ko qaumi award se nawaazainge. –YTN STAFF