New Delhi: Congress ne kaha hai ke Modi hukoomat ki ghair aaeni policies ke khilaaf party apne Yom-e-Tasees par hafta ko mulk bhar mein Ayeen Bachao Bharat Bachao ke pegham ke sath parcham March nikalaygi jis mein party ke karkun aur ahem leader hissa lenge.
Congress ke General Secretary KC Venugopal ne yahan jari bayan mein kaha ke Yom-e-Tasees par 28 decemeber ko congress karkun parcham lehrayin ge aur Ayeen Bachao Bharat Bachao ke pegham ke sath reyastoun ke dar-ul-hukoomat mein parcham March nikalenge. Is douran muqami zabaan mein Ayeen ke debachay ko padha jayega.
Unhoun ne kaha ke congress ke sabiq sadar Rahul Gandhi Assam ke Guwahati mein munaqqid honay walay programme mein hissa lenge jis mein party ke Pradesh ke ahem leader bhi mojood rahenge. Rahul Gandhi is douran jalsay se bhi khitaab karenge. Assam mein Shehriat Tarmeemi Qanoon aur qaumi Shehriat Register laago karne ki zabardast mukhalifat horahi hai.
Congress ke General Secretary ne ilzaam lagaya ke Modi hukoomat Rashtriya Swayamsevak Sangh ke Agenda par kaam kar rahi hai aur is isi Agenda ko poora karne ke liye qaumi shehriat qanoon ki mukhalifat ke baad 24 decemeber ko markazi kabeena ne qaumi abadi Register Scheme nafiz karne ka faisla kiya hai.
Ilawa azeen congress general secretary Priyanka Gandhi ne Bhartia Janta Parti par wada poora na karne ka ilzaam lagatay hue kaha kay wo awam ko gumraah karkay marhala waar tareeqa se idaroun ko barbad karne masroof hai.
Priyanka ne Jumme ko Twit karkay kaha kay BJP hukoomat munazzam tareeqa se kaam karti hai aur mulk ke Ayeen kotbah karti hai. Mulk ke awam ku ghumra karti hai aur phir unhein hi be waqoof kehti hai. Unhoun ne kaha kay is baar mulk ke nojawan maidan mein datay hue hain wo apne haqooq ke maamla mein peechay nahi hatnay walay.
Unhoun ne kaha mazeek kaha ke. Pehlay wo aap se 2 crore nokriyoun ka wada karenge, Phir wo hukoomat banayenge, Phir wo apkee universition ko barbaad karen ge, Phir wo mulk ka Ayeen barbaad karenge, Phir aap ehtijaj karenge, Phir wo aap ko be waqoof boleinge lekin Youngistan maidan mein Dadhe rahega. –YTN STAFF