Hyderabad : Sadak par ghalat side gaadi chalanay walay 6 bike sawaar afraad ko Secunderabad mein ”16th special metro Politian Magistrate ne 2 din ki jail ki saza sunai hai, aur sath hi 50 rupiye ka jurmana bhi bharnay ko kaha gaya hai.
Un afraad ko ek ahem muhim ke douran pichlle hafta Bowenpally Law and order police neh pakda tha. police aam tor par ghalat side driving karne ke jurm ki difaa 119 aur 177 ke tehat aisay juraim ko book karti hai, aur un mujrimoun ko 1,100 rupiye ke Chalan ke sath saza deti hai.
Bowenpally Police ke mutabiq pakdae gaye sabhi afraad ghalat side gaadi chala rahay they.
Hyderabad city commissionaire Anjhani kumar neh media sahafion ko bataya ke woh un mujrimon ko sanjeedgi se lerahay hain. kyunkay unki yeh harkatein jaan lewa ho sakti hain.
Yeh pehli baar hai ke ghalat side driving karne walay afraad ko jail ki saza sunai gayi hai. kyunkay aisi harkato se haadsat ka shikaar honay ka khatrah rehta hai. NIA ki report ke mutabiq, pichlle 6 mahino mein, police neh sadak ke ghalat side par gaadi chalanay ke jurm mein
1,05,346 se ziyada logon ko challanat jari kiye hain. –YTN STAFF