London :World cup bad unwan anasir se poori tarha mehfooz hoga kyunkay ICC anti corruption unit ke sarbarah Alex marshal ke mutabiq bharpor tayari ki hai. London mein media conference ke douran unhon ne dilchasp inkishaaf kiya ke mein ne zaati tor par aur wukla ki madad se Email, Telephone aur whatsapp ke zariye guftagu karkay inhen intibah diya hai ke world cup ke douran England anay ki koshish bhi nah karen, inhen kahin dekha gaya to dhar liya jaye, un mein chand logon ne jawab diya hai ke woh England nahi ayenge lekin bad unwan afraad ki baat par aitbaar nahi kiya ja sakta, woh zubaan se phir bhi sakte hain is liye ICU ko mutharrik aur fa-aal rehna hoga. mein kisi ko jahaaz par sawaar honay se rok nahi sakta hai lekin inhen yeh pegham zaroor day sakta honke agar inhen khiladion ke aas paas dekha gaya to dobarah bahar nikaal diya jaye ga, hum ne jin ki shanakht ki hai unki tasaveer aur maloomat teamon, police aur Bartanwi national crime agency ko faraham kardi hain.
Anti Corruption officer tournament ke douran har waqt teamon ke sath rahega, hamaray managers har haal mein mukhtalif teamon ke sath safar karte rahay hain. woh players aur coaches ko achi tarha jantay hain, sab ek dosray se waaqif ho chukay hain is liye agar sattay bazoo ne kisi se rabita kiya to mera khayaal hai ke koi bhi khiladi hamein is ki report karne hargiz nahi hichkichaega. unhon ne mazeed kaha ke world cup mein hind. pak muqablay ke douran mumkina security khatraat ke paish-e-nazar musallah security afsaraan tainaat kiye jayen ge jabkay khaas tor par is match ke liye security ohdedaron ki tadaad mein bhi izafay sameit maidan ke ird gird ki abadi mein afraad ki aamad wo Raft ki nigrani ki jayegi taakay koi nakhushgawaar waqea runuma nah ho .
England aur Pakistan ke darmain ODI series ka pehla match barish ki Nazar honay ke baad duniya bhar ke cricket shaiqeen fikar mand hogaye they ke world cup bhi kahin kharab mausam se mutasir nah ho lekin achi khabar hai ke aisa honay ka imkaan bohat kam hai. world cup ke douran mausam ke Khushgawar honay ki paish qiyaasi ki gayi hai. –YTN STAFF