Hyderabad: Telangana ke wazeer e aala K Chandrashekar Rao ne Wazeer Transport P Ajay Kumar ko hidayat di hai ke khawateen ke liye banai gayi Women Bio Toilet Buses ke gulaabii rang ko nikaal diya jaye. Wazeer e aala ne is khusos mein wazeer mosoof ko phone kiya aur hidaayat di ke un Buses mein gulaabii rang nah rehne paye jis ke fori baad Wazeer Transport ne ohdedaroun ko hidaayat di ke wo fori tor par un Buses se gulaabii rang nikaal den.
Khammam ke SRBGNR Collage maidan mein ye Buses tehrayi gayi theen. Un Buses ka wazeer maosof ne aaj muaina kiya. Is mauqa par unhoun ne kaha kay riyasat ki tamam baldiyat mein Toilet On Wheels jald hi qaim ki jayen gi.