Texas : Agar aap Wifi ko har aan istemaal karte hain aur iski raftaar mein mazeed izafah ke khwahan hain to aap ke liye khush khabri hai ke Wifi ka naya version bazabta tor par muta-arif kardiya gaya hai.
Wifi alliance ne elaan kiya ke woh companiyon ko Wifi 6 certification dainay ka aaghaz kar rahi hai, yani ab yeh group Wifi 6 devices ( alaat ) ke liye miyaar tey karega. company ki janib se jaisay hi Wifi 6 ke muta-arif karne ka elaan kiya gaya to sarfeen ke zehnon mein yeh sawalaat paeda ho rahay hain ke naye version mein kiya naya hai? aur Wifi 6 mein aisa kiya naya pan hai jo usay mojooda Wifi 5 se mumtaz banata hai ?
Wifi 6 isi Wifi ka naya version hai jo aap barson se istemaal kar rahay hain lekin yeh ziyada taiz aur ziyada ifadiyat wala version hai, jaisay mobile internet jo 3 G se 4 G par gaya aur ab 5 G ka ehad shuru ho raha hai, Wifi technology mein guzray barson ke douran batadreej behtari aayi hai. chunkay aaj kal 4 G ke zareya videos aur filme stream ki jati hain balkay poori poori video games bhi internet par chalti hain to Wifi mein behtari koi herani ki baat nahi. ahem baat yeh hai ke Wifi 6 sarfeen ko internet ki bohat hi taiz raftaar faraham karega aur C net Nami Website ki azmaish ke mutabiq yeh naya version America mein ost download raftaar se ek hazaar feesad taiz hai.
yani HD filme bhi chand seconds ya minute mein download hosakingi jabkay ziyada hujhoom wali jagahon yani aisay maqamat jahan ek network se mutadid devices marboot hoti hain is par bhi Wifi 6 ziyada behtar karkardagi dikhaega.
Ab yahan yeh bhi ahem hai ke Wifi ka naya version moujooda net work alaat ( router , mobile phones aur laptop waghera ) par qabil istemaal hoga? iska jawab yeh hai fil haal aisa mumkin nahi kyunkay abhi Wifi 6 ibtidayi marahil mein hai aur devices mein is ke liye tey kardah standard ( miyaar ) ka khayaal rakhna hoga. waisay companian is par kaam kar rahi hain jaisay Samsung galaxy S 10, galaxy note 10 aur I phone 11 mein Wifi 6 miyaar se hum ahangi mojood hai.
Wifi 6 mein download speed 1000 MBPS se ziyada taiz hogi lekin is waqt beshtar home net works itni raftaar se hum aahang hi nahi hain, yani agar wifi 6 walay alaat khareed letay hain lekin ghar ka internet package mehez 200 MBPS par kaam karta ho, to yeh kuch aisa hi hoga jaisay 5G phone ko 4 G net work par istemaal kiya jaye ga, yani kaam karega aur mayoosi bhi nahi hogi, lekin yeh maazi ke tajarbay se kuch ziyada mukhtalif bhi nahi hoga.
Dar haqeeqat Wifi 6 ke mukammal phelao mein abhi kuch arsa lagey ga kyunkay is ke liye infrastructure darkaar hai lekin yeh zaroor hai ke internet ki duniya taizi se agay badh rahi hai aur anay walay dinoun mein Wifi 6 hai gharon aur dafatir mein istemaal hoga. –YTN STAFF