Kurnool-Wazir Panchayat Raj hukoomat Andhra Pradesh Nara Lokesh ke Kurnool ke daura ke mauqa par Anjuman Taraqi Urdu Kurnool ki janib se Urduzban ki taraqqi wo deegar masayal ke silsila mein numayindagi ki gayi. Numaindagi mein bataya gaya ke riyasat Andhra Pradesh se shaya honay walay Urdu akhbaraat ke liye mehakma it-tila-aat o taaluqaat e aamma se talluq ke bagair raast salana kam se kam 10 crores rupey Manzoor karkay ishtiharaat jari karen, Kurnool mein qaim Dr. Abdul Haq Urdu University mein Sheikh ul jamia ki haisiyat se khidmaat injaam dainay walay Dr. Muzafar Ali ku Urdu se la-taluqi aur Ahle Urdu se dushmani ki buniyad par Urdu University ku zawal par lane ke nateeja mein bar tarf karte hue kisi behtar Sheikh ul Jamia aljamah kar taqarrur amal mein layajaye, shehar Kurnool mein qayim Government Minority Junior College mein khidmaat anjam dainay walay gair Urdu daan Principal ke bajaye kisi Urdudan Principal ka taqarrur karte hue Regular tadrisi wo gair tadrisi amlah ka taqarrur amal mein layajaye, Government Minority Pre-metric Girls Hostel mein khidmaat injaam dainay wali Muazzif ST khatoon ke bajaye kisi Urdudan aur harkiyati khatoon ka taqarrur karte hue Muslim ladkiyon ki taleemi taraqqi mein haath bataya jaaye . Minorities Finance Corporation, mein khidmaat injaam dainay walay gair Urdu daan Executive Director Hemachandra ki karkardagyon par tahqiqaat karte hue kisi Urdudan Executive Director ka taqarrur amal mein layajaye, isi daftar mein aarzi khidmaat injaam dete hue darkhwast guzaron ke sath badtameezi karne walay Mukaram Khan ko bartarf kiya jaye, berozgaar Muslim naujawanon ku rozgaar se marboot karne ke liye Minorities Fianance Corporation ki janib se jari kiye janey walay bank link qarza jaat ke bajaye raast qarza jaat jari kiye jayen, Dolhn scheme ku Chandranapally Kanuka mein tabdeel karne ke bajaye dulhan scheme hi ku barqarar rakha jaaye aur Minorities Welfare Department se munsalik rakhen, Roshni package par pur tarha amal karte hue riyasat ke har sarkari daftar par Urdu zaban mein Boards lkhwayin aur aqliati dafatir mein khidmaat injaam dainay walay tamam mulazmeen ke liye Urduzban lazim qarar dein, Wazeer e Azam pandrah nukati programme ke silsila mein har maah pabandi se nashist muqarrar karen, tamam afsaraan ki shirkat kolazmi banayen aur is puri tarha amal karen. is wafad mein sadar Kareemullah Khan sahib ke alawa, Afsar Pasha, khaleel Ahmed , Rasheed Ahmed aur Azmatullah Khan shareek rahay