New Delhi: Wazer-e-azam Narendra Modi ne Meerut mein munaqidah rally mein Congress par jam kar tanqeed ka nishana banaya aur kaha ke jo 70 saal mein ghareeboun ke khatay tak nahi khulwa paye, woh khatay mein paise kahan se dalinge.
Modi neh kaha ke jo log is chowkidaar ko chalange karte they, woh ab ro rahay hain ke Modi neh Pakistan ko ghar mein ghus kar kyun mara. mukhalfin mein Pakistan mein mashhoor honay ki hodh lagi hai. mein mulk ki awam se poochna chahta hon ke aap ko saboot chahiye ya phir Sapoot?
Narendra Modi ne kaha ke mein chowkidaar hon lehaza apna hisaab bhi dunga aur dosaron se hisaab bhi longa. aaj faislay lainay wali sarkar hai to doosri taraf faislay talne walon ki tareekh hai. Wazer-e-azam neh kaha ke is mulk ne naaray dainay wali hukoomatein to bohat dekha hai lekin mulk pehli baar ek faisla kun hukoomat bhi dekh raha hai .