Jalna: Maharashtra hukoomat mein wazeer na banaye jaany se nakhush, congress ke rukan Assembly Kailash Gorantyal ne kaha ke wo party ke mutadid ohdaraoun aur kaarkunoun ke sath party ke ohdoun se istifa denge. Maharashtra ke wazeer aala Uddhav Thackeray ne peer ko apni kabeena mein towsee ki, Jis mein 26 wezra aur 10 wazeer mumlikat banaye gaye they. Gorantyal ne bataya ke ye faisla hafte ko district congress committee ke ijlaas ke baad kiya gaya hai.
Unhoun ne kaha mai Maharashtra Pradesh congress committee ke sadar Balasahib Thackeray se mulaqaat karonga aur party ohdoun se apna istifa pesh karonga. Jalna Municiple, Council, zila Prishad ke party membraan bhi istifa pesh karenge.
Congress rukan Assembly ka daawa kiya ke congress ke ahelkaar pehlay hi Jalna ki tamam thsiloun se bahar chalay gaye hain. Unhoun ne kaha, Party ne mujhe nazar andaaz kiya aur mujh se insaaf nahi kiya“. October ke Assembly intikhabaat mein Gorantyal ne shive sena ke Arjun Khotkar ko shikast di thi.
Nagar congress sadar Sheikh Mahmood ne kaha ke Gorantyal 3 baar ke rukan assembly they aur wo pehlay bhi councilor reh chuke hain aur unhoun ne zila mein party ko mazboot bananay ke liye sakht mehnat ki hai. Mahmood ne kaha, Hum ne apna istifa party qayadat ko pesh karne ka faisla kiya hai. –YTN STAFF