Hyderabad : Telangana ke wazeer-e-dakhla Mahmood Ali nay aaj kaha ke TRS party mulk ki ek secular party hai. sabiq wazeer T harish rao ke hamra, Siddipet mein teen crore rupiyoun ki laagat se taameer kardah Hajj House ka iftitah anjaam dainay ke baad khitaab karte hue yeh baat kahi.
Mahmood Ali nay kaha ke TRS ek secular party hai aur riyasat mein sabhi mazahab ko barabar tarjeeh deti hai. unhoun nay daawa kiya ke TRS daur-e-Iqtidaar mein riyasat ke musalman khushi, fakhr aur khud etemadi ke sath reh rahay hain.
wazeer-e-dakhla nay kaha ke aqlitoun ko taleem ke behtar mawaqay mil rahay hain, kyun ke hukoomat inhen beroon mulk mein aala taleem haasil karne ke liye 20 laakh rupiyoun ki maali madad deti hai. Mahmood Ali nay kaha ke itni badi raqam dainay ka sehra wazeer-e-aala KCR ko jata hai, jo ek daur andesh hain.
Is mauqa par khitaab karte hue Harish rao nay kaha ke wazeer-e-aala K.Chandra shekhar rao ke hukum par Siddipet mein ko taraqqi di ja rahi hai. KCR nay riyasat mein musalmanoun ko ahem ohda day kar musalmanoun ke tain paana khuloos dekhaya hai.
Harish rao nay kaha ke riyasat mein 204 muslim aqliati school hain, jo taleem ko farogh day rahay hain. –YTN STAFF