New Delhi : Wazeer-e-aazam Narendra Modi ki bhateeji Damyanti Ben Modi ko lootne ke ilzaam mein itwaar ko 1 shakhs ko giraftar kiya gaya. Civil lines police ne itwaar ko Haryana ke sonepat se Gaurav ko pakadne mein kamyabi haasil ki, jis ne hafta ki subah amritsar se yahan pohanchnay par ek aur mulzim ke sath Damyanti Ben bain Modi ko loot liya.
Police ne bataya, ”ham ne Nonu ko sonepat se giraftar kiya hai aur naqad raqam, ATM card aur Damyanti ben se mutaliq deegar dastawizaat Bar-aamad ki hain“. police ne scooty bhi Bar-aamad ki jo mutasirah ko nishana bananay ke liye istemaal ki gayi thi. police ke mutabiq dosra mulzim Dehli ke Sultan poor ilaqay ka hai abhi is ko girftar nahi kiya gaya hai.
Police ne bataya ke un dono mulzimaan ke baarey mein qareebi ilaqon ke CCTV footage se suraagh mila hai. it-tila-aat ke mutabiq, Damyanti ben Modi haftay ki subah amritsar se yahan pohanchi. woh auto lekar shumali Dehli ke civil lines pohanchi. qareeb saat bajey woh gujrat samaaj bhavan gayeen. jab woh auto se utar rahi theen, tabhi scooty par sawaar do bad mashoun ne unka purse cheen liya, jis mein 50 hazaar rupaye naqad, 2 mobile phone aur kuch dastawizaat they. –YTN STAFF