New Delhi: Rahul Gandhi par tanqeed karne ka koi mauqa Wazeer- e- Azam Narendra Modi jane nahi dete aur phir un ki taqreer par congress ke haami aur qaideen Modi se maafi ka mutalba karte hain is silsila ki nai kadi ab Rahul gandhi ke Junubi Hindustan se bhi intikhab ladnay ke elaan ke baad manzar-e-aam per aayi hai .
Congress ney Wayanad se Rahul Gandhi ke intikhab ladnay se mutaliq Modi ke tabsaray par tanqeed ki aur un se mulk aur Wayanad ke awam se maafi mangnay ka mutalba kiya hai. party nay is ke sath hi Election Commission se bhi Wazeer e Azam Modi ke tabsarah ke silsilay mein note lainay aur sakht karwai karne ka mutalba kiya hai. Media numaindon se baat karte hue Congress ke tarjuman Randeep surjeywala naay kaha kay apni shikast ko dekhte hue mayoos Wazeer e Azam naay apne ohday aur jamhoori eqdaar ke Waqar ko majrooh kiya hai .
Modi nay ilzaam lagaya hai ke Rahul gandhi Wayanad se ek khaas mazhab ke logon ke yahan rehne ke sabab umeed waar banay hain. Modi ko is ke liye mulk se maafi maangni chahiye. unhon naay tehreek azadi ki tazleel ki hai, unhon naay poooray junoobi hind ki tauheen ki hai .
Election Commission ko is par notice letay hue Modi ke khilaaf sakht karwai karni chahiye. yaad rahay ke Vardha mein intikhabi really ke douran Wazeer e Azam Modi ney Rahul Gandhi ke kerala ki Wayanad lok sabha nishist se umeedwari pada nahee tanqeed ka banaya. congress aksriyati abadi walay halqon mein umeedwari se dar rahi hai kyunkay is ney hindu dehshat gardi lafz istemaal kar ke hinduon ki tauheen ki thi .
Modi ney kaha kay congress nay aman pasand hinduoun ko dehshat gard kaha hai aur woh jantay hai ke ab woh Rahul ko saza dainay walay hain. Modi nay kaha kay congress naay hinduoun ki tauheen ki. ab logon nay is election mein congress ko saza dainay ka zehan bana liya hai. is party ke leader ab aksriyati abadi ki baala dasti wali lok sabha nishtoun se election ladnay mein qatra rahay hain is liye woh log ab wahan se election lad rahay hain jahan aksriyati tabqa aqliat mein hai.- YTN STAFF