Amravati: Mutahidda Andhra Pradesh ke sabiq wazeer Vivekananda Reddy ke qatal maamla mein CBI ney apni jaanch ke hissa ke tor par un ki Dukhtar se pooch tach ki. CBI ney Kadapa ki Jail ke Guest House se apni jaanch ki shuruvaat ki. Jaanch agency ney Vivekananda Reddy ki Dukhtar Sunita se 3 ghantay pooch tach ki.
Suniya ney un ke waalid ke qatal ke maamla ki SIT jaanch ke bajaye CBI jaanch karwanay ki khwahish karte hue AP High Court mein arzi daakhil ki thi jis ki samaat karte hue adalat ney is maamla ki jaanch CBI ke hawalay kardiya. Samjha jata hai ke CBI ney Sunita ki arzi mein shaamil mushtaba afraad aur deegar tafseelaat ke baarey mein sawalaat kiye. Is arzi mein Sunita ney daawa kiya tha ke un ko un ke waalid ke qatal ke silsila mein 15 afraad par shuba hai. Ye tafseelaat unhoun ney aaj CBI ke hawalay kiye.