New Delhi: Social Democratic Party of India ( SDPI ) ke qaumi general secretary Mohammad Shafi ne apne jari kardah akhbaari aalamia mein Uttar Pradesh ke History Sheeter Vikas Dubey ke ghair qanooni qatal ki shadeed alfaaz mein muzammat ki hai aur hukkaam se kaha hai ke wo is muamlay mein ghair janebdaranh adalti tehqiqaat ke zariye mujrim Vikas Dubey ke mushtaba Encounter qatal ke peechay ke haqayiq ko samnay layein. SDPI qaumi general secretary Mohammad Shafi ne mazeed kaha hai ke Ajay Bisht urf Yogi Adityanath ne riyasat Uttar Pradesh ko jungle raaj banadiya hai.
RSS sadhu ki hukmarani wali riyasat mein insani huqooq, Qanooni ki hukmarani, Adalti nizaam, Muqadmay ki samaat, Insaaf waghera ke liye koi jagah nahi hai. Gangster Vikas Dubey ek hafta qabal 8 police afsaraan ko Firing mein halaak karne ke baad mafroor tha. Is ne ajine mein police ko khud supurdagi ki thi. Is waqeye ka police warshan ye hai ke Vikas Dubey ko jis gaadi mein ajine se Kanpur laya ja raha tha wo rastay mein palat gayi. Dubey ne ek zakhmi police ahelkaar se pistol chean liya aur police par Firing kar di,
Police ney jawabi karwai karte huve usay halaak kardiya. Yahan herat ki baat ye hai ke jis mujrim ney pehlay hi hathyaar daal diye they wo police ki girift se faraar honay ki koshish kyun kere ga?. Is herat angaiz farzi kahani se mutaliq retired IPS afsaraan ney bhi sawal uthaya hai. Police qaafley ke peechay anay walay media teams ki report se pata chalta hai ke is’ Encounter’ ka plan kiya gaya tha. Media team ney ittila di hai ke Encounter se theek pehlay,
Qaafley ke qareeb gadiyoun ki aamad-o-raft mehdood thi. Police ne barricade lagaakar achanak gadiyoun ko rokk diya. Channel ke reporters ki gadiyoun ko checking ke baad agay bhedne diya gaya, Lekin is waqt tak qaafley ki ek gaadi ulat gayi thi aur Encounter hochuka tha. Report mein kaha gaya hai ke police ne mukhtalif madhbed mein Gangster ke 5 sathiyoun ko bhi halaak kardiya tha. Agarchay bohat se juraim mein mulawis honay ke bawajood kaha jata hai ke Vikas Dubey ko guzashta 2 dahaiyoun se siyasi partiyoun ki himayat haasil thi. Is ka khtama karkay wo tamam loog jo is ke gath jood mein rahay they wo ab bach gaye hain. SDPI qaumi general secretary Mohammad Shafi ne mutalba kiya ke jamhoriat aur Secularism par pukhta yaqeen rakhnay waloun ko riyasat mein qanoon ki hukmarani ko yakeeni bananay ke liye agay badhna hoga. Hukkaam ko chahiye ke wo Supreme Court ya High Court ke Judge ke zariye adalti tehqiqaat ka hukum den aur hukmaran BJP samait mutadid siyasi jamaatoun ke sath najaaiz gath jood karne walay badnaam zamana mujrim ke marwaye adalat qatal ke peechay ke pur asraar haqayiq se parda uthayen.