Vijaywada : Sabiq wazeer-e-aala anjhani Y S Rajasekhara Reddy ki 10th barsi ke mauqa par Andhra Pradesh ke wazeer-e-aala Y S Jagan mohan Reddy ney shehar mein police control room ke qareeb Y S Rajasekhara Reddy ka mujasma ki naqaab kashai anjaam di aur kharaaj paish kiya.
Pushkalasa ke naam par TDP hukoomat ney siyasi wujohaat ki bana par Vijaywada police control room ke paas maha neta mujasma ko hata diya tha.
Magar YSRCP hukoomat ney isi ilaqay mein mujasma ko dobarah nasb kiya. sath hi police control room ke qareeb waqay pragti park ka naam tabdeel karkay ”YSR Park rakh diya gaya.
Kaafi tadaad mein YSR ke madahon ney apne mehboob qaied ke mujasma ki naqaab kashai ke khaer maqdam ke liye ”YSR Park pohanche. police ney is mauqa par traffic pabandiyan aa-ed ki theen. Bus stand aur railway stationoun tak janay wali gadiyon ko modh diya gaya tha.
Wazeh hoke 2011 mein, Vijaywada police control room mein Polavaram project par YSR ke mujasmay ki naqaab kashai ki gayi thi. TDP hukoomat ney siyasi wujohaat ki bina par, akhri krishna Pushkaras ke douran, 31 july 20160 ko aadhi raat ko police ke bandobast ke beech mujasmay ko hatadiya tha. ab YSRCP hukoomat ney YSR ke mujasma ko isi maqam par dobarah nasb kiya aur unki dasvin barsi ke mauqa par is mujasma ki naqaab kushai anjaam di gayi. –YTN STAFF