Hyderabad. Senior Siyasatdan Janab Kamaluddin Ahmed ka 88 baras ki umar mein aaj inteqaal hogaya. Janab Kamaluddin Ahmed 15th August 1930 ko Warangal mein paida hue thae. Woh Lok Sabha ke liye chaar martaba muntakhib huwe aur markazi wazeer bhi rahe chuke. Janab Kamaluddin Ahmed 2000 tak Congress Party se wabista rahey aur Congress se istefa dainey ke baad BJP mein shumuliat ikhtiyar karli thi. Vajpai Hukumat ne unhen Saudi Arab ke liye Bharat ka safeer bhi naamzad kiya tha. Janab Kamaluddin Ahmed ne mutahidda Andhra Pradesh mein Congress Party ke sadar ki haisiyat se bhi khidmaat anjaam di thi aur RTC ke bhi Sadarnashin rahe chuke thae.