Lacknow: Uttar Pradesh ke mukhtalif ilaqoun mein secdoun Shia musalmanoun aur Sikhnoun ne allag allag ehtijaj kiya. Jahan Shia musalmanoun ne Iran ke general Qasem Soleimani ke qatal ke khilaaf ehtijaj kiya, Wahein Sikhnoun ne Pakistan mein Nankana Saheb Gurudwara par hamlay ke khilaaf ehtajaji muzahira kiya. Itwaar ke roz Pakistan ke Nankana Saheb Gurudwara par hamlay ke khilaaf Lacknow mein Sikhnoun ne ehtijaj kiya.
Unhoun ne markazi wazeer difaa Rajnath Singh se mulaqaat ki aur Pakistan mein Nankana Saheb Gurudwara par honay walay hamlay par hukoomat se karwai ki khwahish ki. Rajnath Singh ne inhen yaqeen dilaya ke hukoomat Sikhnoun aur un ke Gurudware ki hifazat ko yakeeni bananay ke liye tamam iqdamaat keregi.
Kanpur ke Phoolbagh ilaqay mein, Shia musalmanoun ne America ke Drone hamlay mein Iran ki Quds fouj ke general Qasem Soleimani ki halakat ke khilaaf itwaar ki shaam ek ehtajaji muzahira kiya. Baghdad mein jummay ke roz ek fazai hamlay mein Irani ishrafia Quds force ke sar barah General Qasem Soliemani halaak ho gaye they.
Shia muzahireen ne sadar Ram Nath Kovind par bhi zor diya ke wo ek TV channel ki janib se Qasem Soleimani ko dehshat gard saabit karne par channel ke khilaaf sakht karwai ka hukum den. Shia muzahireen ke group ne kaha, ”Ham ne sadar Ram Nath Govind ko ek TV news channel ke khilaaf karwai karne ke liye ek memorandum Fax kiya hai, Jis ne Qasem Soleimani ko dehshat gard kaha hai. –YTN STAFF