Hyderabad. molana azad national Urdu University, Hyderabad aur Lucknow Campus mein mukhtalif Under Graduate aur Post Graduate Programmes mein chand nashistain dastyaab hain jin mein merit ki asaas par 12th August ko 9:30 bajey subah ahal umeedwaron ko barsar e mauqa dakhla diya jaye ga. Prof. Fazl ur Rahman , Director Nizamat e Dakhla ke bamawajib Hyderabad mein M.A.( Hindi, Translishn Studies, Farsi, Women studies, Public Administration, Social Work, Islmaic Studies, Siyasiyaat, Tareekh, Sociology, Muashiaat), M.Com, M.Sc (riyaazi), B.A, B.Sc ( MPCS, MPC) aur B.com mein barsar e mauqa dakhlay diye jarahay hain. Isi tarha Lucknow Campus mein M.A(Arabi, Farsi aur Angrezi) aur B.A mein dakhlay dastyaab hain. barsar e mauqa dakhlay ka amal Hyderabad mein MANUU Polytechnic aur Lucknow Campus mein munaqqid hoga. Daakhlay ke khawahishmand talba tamam zurori asnaad aur un ki do set photo copy ke alawa apne hamrah Debit, Credit Card ya net banking ka password waghera sath rakhen taakay admission ke fauri baad online fees daakhil kar saken. Ahliat o deegar tafseelaat ke liye University website www.manuu.ac.in dekhi ja sakti hai.