Amman: Urdan ki Civil Aviation ke zaraye ney kaha hai ke August ke mahinay mein commercial parwazein juzwi tor par bahaal kar di jayen gi. Mehfooz Airports ke liye bain ul aqwami tor par manzoor shuda kayi Europi o asiayi mumalik ke liye parwazein jari ki jayen gi.
Website ke mutabiq Urdani hukoomat ke tarjuman Amjad Adaileh ney Urdan ke TV channel se guftagu karte hue kaha ke Malika Alia International Airport se commercial parwazein March 2020 mein moattal kar di gayi theen. Ye parwazein August ke pehlay ya dosray haftay se bahaal kar di jayen gi.
Hukoomati tarjuman Adaileh ne mazeed kaha ke waba se mehfooz mumalik se anay walay musafiroun ko Urdan anay ki ijazat hogi. Un mein Australia, Switzerland, Germany , Italy, Yunnan aur Hang Kong shaamil hain. Mustaqbil mein wabai tabdeelioun ke tanazur mein deegar mumalik ko bhi shaamil karliya jaye ga. Khliji mumalik jahan Urdani rozgaar ke liye puhanche hue hain wahan se abhi taq parwazein bahaal karne ka faisla nahi kiya gaya.