Baghpat ( Uttar pradesh ) : Social media par ek chonkanay wala video viral ho raha hai. is video mein ek nojawan bandooq ki goli se apne janam din ka cake kaatetay hoye nazar aa raha hai. Twitter par post kiye gaye is video mein sadak ke beech mein rakhay cake ko dekhaya gaya hai aur nojawan ke haath mein bandooq hai aur usay cake par firing karte dekhaya gaya hai.
Moasala it-tila-aat ke mutabiq, yeh waqea chaharshambe ko utar pradesh ke bhagpat zila ke Suroorpur kheerki gaon mein paish aaya. Baghpat circle officer OP singh nay waqea ka notice letay hue kaha ke mulzimaan ke khilaaf jald hi karwai shuru ki jayegi. video hamaray paas agaya hai aur hum naay tafteesh shuru kar di hai. mulzim ko jald hi girftar kar liya jayega. kyunkay usay ghair qanooni hathyaar istemaal karte hue dekha gaya hai.
Uttar pradesh mein license Yafta asleha ki sab se ziyada tadaad hai. lekin police zaraye ke mutabiq ghair qanooni wo baghair license ke hathyaar unki tadaad bohat ziyada hai. –YTN STAFF