Hapur : Uttar pradesh mein mehakma barqi ney Hapur zila ke ek buzurug ko ek chonkanay wala jhatka diya hai. Shamim Nami shakhs ko mehakma barqi ki janib se 1,28,45,95,444 Rupiyoun ka bijli ka bill mila hai, jabkay iski janib se sirf 2 kilo watt ki bijli istemaal ki gayi hai.
Hapur ke Chamri gaon mein apni biwi ke sath rehne walay Shamim ney kaha ke unhon ney is ghalti ko sudharnay ke liye mehakma barqi se rabta kiya hai. lekin mehakma barqi ke hukkaam ki janib se kaha gaya ke bijli ka bill ada kar dein nahi to bijli kaat di jayegi.
Shamim ney purani Rasidein dikhata hue kaha ke unka mahana bill lag bhag 700 Rupay se 800 Rupay aata hai. lekin is baar mehakma barqi ney lagta hai poooray shehar ka bill lakar mujhe diya hai.
Lucknow mein mehakma barqi ke aala ohdedaron ney kaha inhen is maamla ki jankari nahi thi, isliye woh koi tabsarah nahi kar satke. jab is maamla ke baray mein bataya gaya to unhon ney kaha ke yeh Technical gad badh hai usay theek kiya jayega. tab tak Shamim aur is ke ahal khanah andheray mein rahenge. –YTN STAFF