Sambhal: Athaara safhaat par mushtamil ladki ki khud kushi Note mein ladki ne Hindostan ke Wazeer-e-Azam Narendra Modi se aloodgi bud unwani aur darakhton ki katai jaisay umoor par tashweesh ka izhaar kiya.
Mangal ke roz khud kushi Note ka khat bar aamad huwa jis mein ladki ne likha hai ke wo hamesha Wazeer-e-Azam Modi se milna chahti thi aur un umoor par un ke sath baat cheet karna chahti thi.
UP mein 16 sala ladki khud kushi karne wali ne apne khat mein Wazeer-e-Azam par zor diya ke wo badhti abadi ko rokain, Diwali ke douran patakhon par pabandi lagayen, Aur Holi par istemaal honay wala keemiyai rang par amal dar amad kare.
Khud kushi Notes mein ladki ney likha ke wo buzurag logon ko darpaish masail se bhi pareshan thi. Unhoun ney mazeed zikar kiya ke “mein ab aisi jagah nahi rehna chahthee jahan bachay apne walidain ko Old Age House bhaij dete hin”
Lawahiqeen ney kaha ke un ki beti ki aakhri khwahish ke tor par wo is baat ko yakeeni banayen ge ke ye khat Wazeer-e-Azam Narendra Modi tak puhanche aur is talluq se unhoun ney intizamia se is par tawajah dainay ki appeal ki.
Bachi ke waalid jo ek peshay se kisaan hain ney kaha “Khud kushi Note meri beti ki aakhri khwahish hai, Aur hum chahtay hain ke ye khat Wazeer-e-Azam tak pouncha jaye”. Khud kushi karne wali ladki Uttar Pradesh ke ek niji School ki taliba thi.
Gunnaur ke SHO Devendra Kumar ney bataya” Ladki ney 14 August ki raat khud ko goli maar kar khudkushi kar li thi aur is ki laash ke paas ek Revolver bar aamad huwa baad azan is ki laash postmortem ke liye bhaij di gi, Aur tehqiqaat ka aaghaz ho chuka. Unhoun ney mazeed kaha ke walidain ke mutabiq ladki nafsiati pareshaniyon ka shikaar thi.