New Delhi : Central Bureau of investigation ( CBI ) ne BJP ke sabiq rukan-e-assembly Kuldeep singh Sengar aur unke deegar sathiyon ke khilaaf Unnao Ismat darri ka shikaar honay walay haadsa case mein apni pehli charge sheet mein qatal ke ilzamaat ko kharij kardiya. mazkoorah haadsa mein mutasirah khatoon ke do rishtedaar halaak ho gaye they.
Wazeh ho ke CBI ne apni charge sheet mein Sengar aur deegar no afraad ke khilaf mujremana saazish, qatal, ki koshish aur dhamki dene se mutaliq daf-aat ke tehat muqadma darj kiya tha. is maamla ke ahem mulzim Kuldeep singh Sengar ne 2017 mein mubayyana tor par mutasirah ladki ki Ismat darri ki thi. mutasirah ladki is waqt na-baaligh thi.
Phir woh 28 july ko uttar pradesh ke Rae Bareli mein ek sadak haadsay mein shadeed zakhmi hogayi. iski car ko ek tez raftaar truck ne takkar mardi thi, jis mein is ke 2 rishtedaar halaak aur iske wakeel shadeed zakhmi hogaye they. –YTN STAFF