New Delhi: Unnao esmatdarri ki shikaar ladki ki mout ke baad congress ki general secretary Priyanka Gandhi ne Uttar Pradesh ke amnu-o-Amaan ke hawalay se Yogi Adityanath hukoomat par tanqeedi hamla kiya hai. Priyanka ne sawal kiya ke riyasat mein khawateen muzalim kyun badh rahay hain aur Unnao mein pichlle waqeye ke pesh-e-nazar mutasirah ladki ko koi tahaffuz kyun nahi diya gya“.
Unhoun ne hafta ke roz ek twit mein kaha ke ”gham ki is ghadi mein, Unnao ki mutasirah ke konbe ko himmat ataa karne ki bhagwan se prathna karti hon“. Unhoun ne kaha ke ”Ye hum sab ki nakami hai ke hum usay insaaf nahi day paye. Priyanka Gandhi ne kaha ke Unnao ke pichlle waqeye par ghhor karen to hukoomat ne mutasirah ko fori tahaffuz kyun faraham nahi kiya.? Is afsar ke khilaaf kiya karwai ki gayi jis ne FIR darj karne se inkaar kar diya.? Unhoun ne kaha ke Uttar Pradesh mein har roz khawateen par mazalim ke waqeat hotay rehtay hain, Hukoomat is par kiya karwai kar rahi hai.?
Wazeh ho ke, Qaumi dar-ul-hukoomat ke Safdarjung hospital mein Unnao esmatdarri ki mutasirah ki jummay ki der raat mout ho gayi. Is se qabal jumaraat ki subah Unnao mein 5 mulzimoun ne is par petrol daal kar jala diya tha. Un mulzimaan mein mutasirah ke sath ijtimai esmatdarri ka ek kaleedi mulzim bhi shaamil tha. Mutasirah ki mout ke baad Unnao ke qasba Bihar mai kisi bhi na Khushgawar waqea ko rokne ke liye mazkorh qasba ko police chaoni mein tabdeel kar diya gaya hai. –YTN STAFF