Unan ke dar-ul-hakoomat Athens ke nawahi ilaqa mein waqay janglaat mein aag lag gayi jis ne dekhte hi dekhte wasee ilaqa ko apni lapait mein le liya. jungle mein lagi aag ne muzafaat mein samandar ke kinare Resorts bhi jal kar khakstar hogaye. is aag mein Resorts, makanaat aur karen bhi jal gayeen. aag ki lapeto aur dhuwen se bachney ke liye sayah aur makeen saahil samandar ki simt daud parre. ghair mulki khabar rasan idaray ke mutabiq aag phailtay phailtay jungle se bahar rehaishi ilaqa tak pahonch gayi, is ki shiddat itni ziyada thi ke mutadid logon ko jaan bachanay ka mauqa hi nah mil saka aur woh apne gharon mein hi zindah jal gaye jab ke bohat si hlaktin dam ghatney se bhi huien. Ab tak atishzadgi se 50 afraad ki halakat ki tasdeeq hogayi hai jab ke sainkdon afraad zakhmi hain jin mein se mutadid ki haalat tashweesh naak hai. shehar ke hospital laashon aur zakhmion se bhar gaye hain aur qayamat ka samaa hai. sirf aik ilaqay Rafina se 26 lashain mili hain. har aankh ashkbaar hai aur log aag mein la patah honay walay apne pyaron ki talaash mein ro rahay hain. 100 se zayed ghar aur emiratein jal kar mukammal tor par khakstar ho chuke hain. Mutasirah ilaaqon se 700 se zayed afraad ko mehfooz maqamat ki taraf muntaqil kya gaya hai. sainkdon fire tindrz ke ilawa tayyaray aur helly kaptrz bhi aag bujhanay mein masroof hain. hukoomat ke mutabiq ab ziyada tar ilaqay mein aag par qaboo paaya ja chuka hai.