Dubai: Emirates Airline ny Hindostan ke paanch shehron ke liye parwazein UAE se Delhi, Bangalore, Kochi, Mumbai aur Thiruvananthapuram ke liye khusoosi parwazein ka elaan kiya hai. Un parwaazon ke zareya UAE mein muqeem Hindustani shehrion aur Hindostan mein mojood Emarati shehrion ko wapas laya jaye ga. Elaan kardah Schedule ke mutabiq Bangalore ke liye 23,25,28, aur 30 August. Kochi ke liye, 22,24,27,29, 31 August. UAE se Delhi ke liye 31 August tak rozana. Mumbai ke liye 31 August tak rozana parwazein aur Thiruvananthapuram ke liye ek parwaaz 26 August ko chalegi.
UAE ki sarkari khabar rasan Agency WAM ke mutabiq tamam parwazon ke liye Booking Emirates.com ya Travel Agents ke zariye karwai ja sakti hai. Bayan mein mazeed kaha gaya ke tamam sharait poori karne walay musafiron ko parwazon mein sawaar honay ki ijazat di jaye gi jabkay Mutahidda Arab Emarat mein phansay hue sirf Hindustani shehrion ko Dubai se un paanch maqamat jaany ki ijazat hogi.
Mutahidda Arab Emarat ke un shehrion aur rahaishion ko bhi ijazat hogi jin ke paas general Directorate of Residency aur umoor kharja ka paishgi ijazat nama hoga. Darin Isna Emirates Airline ne Pakistan ke shehar Sialkot ke liye apni parwaazon ke Schedule mein tarmeem ki hai. Emirates Airline Sialkot ke ilawa Pakistan ke chaar shehron Karachi, Islamabad, Lahore aur Peshawar ke liye bhi raast parwazein chala rahi hai.
Bayan ke mutabiq musafiron, Sayaho aur muashray ki hifazat ko yakeeni bananay ke liye UAE anay walay tamam musafiron khuwa wo kisi bhi mulk se aarahay hon, Unkay liye Covid-19 PCR test laazmi hain. Dubai ke rehaishi Emirates ki Website par taaza safri hidayat ke baaray mein maloomat haasil kar saktay hain.