Dubai : Abu Dhabi ke wali ehad aur UAE ki afwaj ke naib sarbarah Sheikh Mohammed Bin Zayed Al Nahyan ney mulk mein tail aur gas ke naye zakhair daryaft honay ka elaan kiya hai.
Wali ehad ney meharbani Abu Dhabi khaam tail ke naye narkh naame ki hikmat-e-amli bhi muqarrar ki hai.
Tafseelaat ke mutabiq Sheikh Mohammed Bin Zayed Al Nahyan ney Twitter par qoum ko khushkhabri sunai ke mulk mein tail aur gas ke naye zakhair daryaft hue hain jis se tail ki aalmi mandi mein UAE ka muaqqaf mazeed mazboot hogaya hai.
Sheikh Mohammed Bin Zayed Al Nahyan kaha ke Abu dhabi mein petrol ki supreme council ka bhi ijlaas hua jis mein meharbani Abu Dhabi khaam tail ke naye narkh naame ki hikmat-e-amli muqarrar ki gayi. Yaad rahay ke Abu dhabi mein petrol ki supreme council 1988 mein qaim hui thi. yeh riyasat Abu dhabi mein tail umoor ka sab se bada idaara hai. yahi Abu dhabi ki tail policy muqarrar karta hai. alawa azeen Adnoc ki majlis intizamia ki tarjumani ka ikhtiyar bhi isi ko haasil hai.
Abu dhabi ki national petroleum company 1971 may qaim hui thi. iska maqsad petrol aur gas ke tamam shobo ke umoor nimatna hain. Adnoc ney kayi zeli oil companiyon par mushtamil ek group bhi qaim kiya hai. oil refineries aur gas ke shobo mein san-aton ka ek jaal bhi bichaa rakha hai. Adnoc company yomiya 27 laakh barrel tail se ziyada ki paedawar ki nigaran hai. iski badolat yeh poori duniya mein tail aur gas ki 10 badi companiyon mein shumaar ki jati hai. petrol ki supreme council ke sarbarah UAE ke sadar Sheikh Mohammed Bin Zayed Al Nahyan. Adnoc group 16 companiyon per mushtamil hai. yeh petrol, gas, petro chemical, transport aur mukhtalif khidmaat anjaam day raha hai. –YTN STAFF