Abu Dhabi: Mutahidda Arab Emarat mein muqeem Hindustanyoun ne mutanazia Shehriat Tarmeemi Qanoon ( CAA ) par tashweesh ka izhaar karte hue yahan hindustani safaret khane ko ek yaad dasht pesh ki hai, Jis mein kaha gaya hai ke is qanoon se tafreeq peda karne walay muashray ko farogh melta“. Itwaar ke roz hindustani baradri ke 30 se ziyada afraad ne safaret khane mein ohdedaroun se mulaqaat ke taakay CAA ke khilaaf apni aawaz uthayen.
Abu Dhabi ke rehaishi Abdullah Khan , Ne ek news media se baat karte hue kaha ke mai Hindustan mein apne konbe ke baray mein fikar mand aur pareshan hon. Mein ne inhein Uttar Pradesh ke Azamgarh mein phone karne ki koshish ki, Lekin CAA ke khilaaf ehtijaj ke baad mawaslati linen aur Internet band kiye janay ki wajah rabita nahi horaha hai.
Is khat mein Hindustani hakkaam se imtiazi, Tafreeq par mabni aur ghair aaeni’ Act ko khatam karne ki darkhawast ki gayi hai. Abu Dhabi ke rehaishi Sanjay Manohar Pancha, Jinhoun ne bhi sefaret khane ka rukh kiya. Unhoun ne kaha ke mai chahonga ke Hindustan kiye ayeen ke mutabiq tamam logoun ko unka barabar ka darjaa diya jaye, goya wo Hindu ho, Musalman, Ya Sikh, Isaayi hon“. Ek aur rehaishi ne kaha ke’ CAA “hamare ayeen ke khilaaf hai aur hum mutalba karte hain ke usay fori tor par mansookh kiya jaye“.
CAA, jo 12 decemeber ko nafiz kiya gaya tha, Pakistan, Afghanistan aur Bangladesh se ghair muslim aqlitoun ko hindustani shehriat deta hai, Jo 31 decemeber 2014 ko ya is se pehlay hindustan puhanche they. Mutanazia Act ke khilaaf pooray hindustan mein par tashadud muzahere hue hain. Is ke ilawa duniya ke deegar mumalik mein bhi is mutanazia qanoon ke khilaaf ehtajaji muzahirey ho rahay hain aur ahtjajyoun ka mutalba hai ke is mutanazia qanoon ko mansookh kar diya jaye, Jo Hindustanyoun mein inteshaar ka sabab bantaa hai. –YTN STAFF