Dubai: UAE ke mehakma qoumiat wo shehriat ne kaha hai ke Imarat mein muqeem berooni afraad ke aanay jaaney par aayed pabandi uthali gayi hain. media ke mutabiq nai policy ke baad aindah Imarat se bahar mojood kisi bhi beirooni afraad ko Imarat wapsi ke liye ijazat nama haasil karne ki zaroorat hogi aur na iske liye darkhwast dena zarori hoga taham sahet zawabit ki pabandi maazi ki tarhan mustaqbil mein bhi laazmi rahaygi.
Alawa azeen 14 dinon ke liye ghar mein tanhai ikhtiyar karne ki pabandi khatam nahi ki gayi. corona test ka nateeja manfi aanay ki soorat mein bhi ghar mein tanhai ki pabandi karna hogi. UAE mein muqeem hazaron berooni afrad mausam garma ki tatilat guzaarne ke liye watan wapsi ke programme bana rahay they. unki janib se musalsal istafsaar kiya jaraha tha ke aaya ab woh bilaa kisi rokk tok emirate se watan jasakte hain ya nahi?
Mehakma shehriat wo qomiat ne kaha hai ke jo muqeem ghair mulki chuttiyan guzaarnay ke liye watan wapas jana chahtay hoon jasakte hain. kisi par koi pabandi nahi. wapsi ke silsilay mein bhi koi pabandi nahi hogi. koi bhi shakhs bilaa kisi rukawat ke UAE se jaakar wapas aasakta hai lekin aanay jane ke liye jo hifazati tadabeer muqarrar hain unki pabandi barqarar rahaygi. UAE mein muqeem berooni afraad ne UAE wapsi par aaed pabandi uthanye ki ittila per ghair mamooli itminan ka izhaar kiya hai.