Dubai: UAE ke Wizarat taleem ( MOE ) ney elaan kiya hai ke Front Liner Health Care Workers ( Doctors aur Dawakhanon se talluq rakhnay walay deegar mulazimeen ) ke 700 bachon ko muft taleem faraham ki jaye gi. Wizarat ney kaha ke tibbi amlay ke bachay Grade 12 mukammal karne tak Mutahidda Arab Emarat ke sarkari schoolon mein muft taleem haasil kar saken ge.
Covid-19 ke khilaaf jung mein Front Liner ki koshisho ke aitraaf mein pehal ki gayi hai, Kyunkay tibbi karkunaan is wabai amraaz ko shikast dainay mein har roz qurbaniyan dete rehtay hain. Masfa ke LLH dawakhane ke Pulmonologist dr Sajif Nair ney is iqdaam ki tareef karte hue kaha ke is ney yakeeni tor par houslon ko buland kiya aur inhen virus se ladnay aur mareezon ke ilaaj mein behtar kaam karne ki targheeb di.
Logon ki sahet ka khayaal rakhna aur un ki zindagion ki hifazat karna tibbi kaarkunon ki hesiyat se hamari bunyadi zimma daari hai. Lekin Mutahidda Arab Emirate ke hukkaam ki taraf se is ki tareef ki ja rahi hai. Hum Mutahidda Arab Emirate ki hukoomat ke is azeem iqdaam ke liye shukriya ada karte hain. Taleem har ek ke liye ahem hai aur Front Liner ke bachon ko muft taleem haasil karna hamein apni mulazimat se bhi ziyada ahem hai aur hamein himmat deta hai ke hum logon ki sahet aur zindagi ki bachat ka khayaal rakhna jari rakhen.
Masfa ke Lifecare Hospital ke maahir amraaz qalb Doctor ney kaha Mutahidda Arab Emirate ki hukoomat ki taraf se hamari khidmaat ko tasleem kiya jana hamaray liye yeh bohat bada aizaz hai. Warrior ney kaha Mutahidda Arab Emirate ki hukoomat ney Covid-19 se ladnay ke liye bohat koshish ki hai aur hamein un koshisho ka hissa ban’nay par fakhr hai. Yeh Khushgawar herat ki baat hai ke Health Care kaarkunon ko hukoomat ney mukhtalif mawaqay par tasleem kiya hai aur un ki tareef ki hai. Hum is terhan ke iqdamaat ke liye shukar guzaar hain.