Hyderabad : Hyderabad police ne hafta ko kaseer lasani television news channel TV9 ke sabiq CEO Ravi Prakash ko company ke funds ko divert karne ke ilzaam mein giraftar kar liya.
Police ne sabiq chief financial officer MKVVN ko bhi hirasat mein leliya. inhen Banjara hills police station lejaya gaya, jahan unse pooch tach ki ja rahi hai.
Yeh giraftari unke khilaaf TV 9 group of channels ke maalik, Alanda media and entertainment private limited ki ek shikayat par ki gayi aur unke khilaaf 2 muqadmaat darj kiye gay. Intezamiya ne apni shikayat mein ilzaam lagaya ke Ravi Prakash aur moorti ne September 2018 se May 2019 tak company ke bank khatoun se 18.31 crore rupaye nikalay.
Unhon ne yeh raqam company ke dosray directors ki ijazat ke baghair nikaali aur daawa kiya ke yeh unka bonus hai. unke khilaaf TV9 logo ko farokht karne ka ek aur muqadma darj kiya gaya. un par dhoka dahi aur etemad ki khilaaf warzi ki ilzamaat aaed kiye gay hain.
Ravi Prakash, jo 2004 mein iske aaghaz ke baad se hi TV9 channel ki sarbarahi kar rahay they, unko May mein Alanda media ne bator CEO ohday se Bar taraf kar diya tha, jis ne guzashta saal Associated Broadcasting Pvt Ltd (ABCPL), mein 90.54 hasas haasil kiye they.
Qareeb ek mah tak giraftari se bachney ke baad, Ravi Prakash 4 June ko police ke samnay paish hue they, jis ke baad Supreme court ki janib se inhen paishgi zamanat Manzoor karne se inkaar kiya gaya tha. aur tafteesh karon ke samnay paish honay ko kaha gaya tha. Maroof anchor ne daawa kiya ke usay ghalat tor par phansaya gaya tha. –YTN STAFF