Washington: Twitter ney Americi sadar Donald Trump ke ek Twit par fact check ka label laga diya. Americi sadar Donald Trump ney intikhabaat mai daak ke zariye voting aur dhandli se mutaliq Twit kiya tha. Jis mein Twitter ki janib se fact check ka label laga diya gaya.
Fact Check ( haqayiq ki jaanch ) ka label aisay Twit par lagaya jata hai jin mein sarif ney mobayyana tor par ghalat ya gumraah kun maloomat faraham ki hon. Is se qabal twitter ki intizamia ney is hawalay se kaha ke ghalat aur gumraah kun maloomat walay paighamaat par warning label laganay ka daira badhayainge.
Doosri janib Americi sadar Donald Trump ney unki Twit par warning label laganay par twitter par shadeed ghusse ka izhaar karte huve sadaarti intikhabaat mai mudakhelat ka ilzaam laga diya hai. Amrici sadar ney Twitter par apne pegham mein likha ke Twitter azaadi izhaar raye ka gala ghoont raha hai, Aur wo sadar hotay huve aisa nahi honay deingay. Americi sadar ney apne pegham mein Twitter ko baqaida mukhatib karte huve Americi sadaarti intikhabaat mein mudakhlat karne ka ilzaam bhi lagaya. –YTN STAFF