Washington: American sadar Donald Trump aksar aisa kuch karjate hain ke woh mazaq ka mauzo ban jatay hain aisa hi ek taaza waqea paish aaya jis mein woh ghalat naqsha media numaindoun ko dekha rahay they.
Trump ne samandari tufan doriyan ki tafseelaat media numaindon ko batatay hue ghalat naqsha dikha diya aur is ki nishandahi honay par unhon ne kaha ke unhen is barey mein ilm nahi hai.
Oval office mein press conference ke douran sadar Donald Trump ki taraf se ek naqsha dekhaya gaya. jis mein American riyasat a-labama ko bhi doriyan tufan se mutasirah reyaston mein zahir kiya gaya tha.
Tafseelaat ke mutabiq sadar Trump ne press conference ke douran national hurricane center ki janib se jari kardah woh naqsha dekhaya jis mein Doriyan tufan ki ibtidayi paish qiyaasi ki gayi thi. is naqshay mein Doriyan tufan ki nishandahi karne wali siyah lakeer ke zariye American riyasat alabama ko bhi Doriyan tufan se mutasirah reyaston mein shaamil kiya gaya tha. taham samandari tufan riyasat alabama tak nahi pohancha.
Is ghalti ki nishandahi ke baad sadar Trump ne kaha ke inhen is barey mein kuch nahi maloom. is se qabal sadar Trump ne ek tweet mein bhi kaha tha ke Doriyan tufan se Florida , junoobi Karolina, shumali Karolina aur jarjya ke alawa alabama ki reyastain bhi mutasir hongi. American sadar ki press conference ke kuch hi der baad Birmingham mein waqay mehakma mosmiyat ne ek tweet mein kaha ke American riyasat alabama Doriyan tufan se mutasir nahi hogi. –YTN STAFF