Hyderabad: Telangana Pradesh congress committee ( TPCC ) ke sadar, Uttam Kumar reddy ne TRS hukoomat ki shikast ko yakeeni bananay ke liye logoun se jaz baati appeal karte hue, Municipal intikhabaat ki tashhiri muhim ka ekhtataam kiya.
Uttam Kumar Reddy ne peer ke roz baldeati intikhabaat ke liye intikhabi muhim ke aakhri din Neredacherla, Huzoor Nagar aur Kodad municipalities mein mukhtalif road shows se khitaab karte hue kaha ke congress party ne pichlle 6 saloon mein shehri baldeati idaron ki taraqqi mein TRS hukoomat ki na kamiyabioun ko be naqaab kiya hai.
Unhoun ne ye logoun ko ye ehsas karaya ke wazeer aala K Chandrashekhar Rao, Un ke betay aur wazeer K.T rama Rao aur deegar TRS rehnumao ne inhen taraqqi ke jaali aur khokhle davoun ke zareya dhoka diya hai.
Uttam Kumar ne kaha ke congress party har Municipality aur municiple Corporation ko tayyar karne ke liye ek vision document leker aayi hai. Aur loog is ko haqeeqat mein badalny ke liye party ko vote denge. Unhoun ne ye bhi ilzaam lagaya ke hukmaran TRS party tamam 120 baldiyat aur 9 municipal Corporations mein raye dahindgaan mein sharaab, Murghi, Mutton aur naqad raqam taqseem kar rahi hai. Jahan 22 January ko intikhabaat ho rahay hain.
Baad azan Uttam Kumar Reddy ne party ke kaarkunon ke sath social media Platform Facebook ke zariye barah e raast baat cheet ki aur inhen votoun ki ginti tak chokas rehne ki takeed ki. Unhoun ne kaha ke nataij mein heera pheri kar ne ke liye tamam intikhabaat mein TRS ki be zabtegyoun ka muqaabla karne ke liye chokas rahen. –YTN STAFF