Hyderabad: Barsar Iqtidaar gulaabii party ke social media sarfeen ne GHMC intikhabaat ki apni online muhim ko taiz tar kardiya hai aur chief minister KCR aur TRS ke working sadar KTR ki tasaveer ke sath mukhtalif E-platforms par apni muhim aur taraqiyati kamoun ki tasheehr ka aaghaz kardiya hai. vote for car ( car ko vote den ), vote for development ( taraqqi ke liye vote den ) woh naara hain jo TRS karkunaan social media par istemaal kar rahay hain.
Ye mehsoos karne ke baad ke ye BJP ki social media mehmaat thi jis ne Dubaka assembly set haasil karne mein iski madad ki thi, TRS ne bhi mukhtalif social media platforms par bharpoor muhim shuru kardi hai.
Maloom hua hai ke party ke sarkari social media incharge aur karkun guzishta 6 saal mein TRS hukoomat ki kamyabion ko ujagar karne par tawajah day rahay hain. Iske alawa TRS ne BJP par bhi sakht tanqeed ki hai. TRS ne ek tweet mein Hyderabadis se darkhwast ki ke markazi funds ke hawalay se BJP jhoot philarahi hai. Markazi funds ke ajra par iske alfaaz par yaqeen na karen. alawa azeen yeh bhi kaha jaraha hai ke saelaab ke mutasirah khandano ki baazyabi ke liye jo 10 hazaar taqseem kiye jarahay thay is roknay mein bhi BJP ka haath hai.
Yaad rahay ke Hyderabad mein selaab se honay wali tabah kariyon ke baad reyasti hukoomat ne mutasirah khandano ki madad ke liye 10 hazaar rupaye ki madad shuru ki thi aur iske ibtidayi marhalay mein awam ko ghar ghar pahonch kar paise diye jarahay thay jiske baad guzishta chand dinon se meeseva mein darkhwasten daakhil karne ki hidaayat di gai thi jis par meeseva marakaz par hazaron afraad ki qatarain dekhen jarahi thi lekin GHMC intikhabaat ke elaan aur intikhabi zabita-e-ikhlaq ke nafiz honay ke baad is sarkari madad ko rok diya hai gaya hai.