Hyderabad: Wazeer transport V Prashant Reddy ne peer ko baldeati intikhabaat ke baad Nizamabad mein Chairman ke ohday par TRS aur All India Majlis-e-Ittehadul Muslimeen ke mabain kisi bhi terhan ke samjhote se inkaar kiya.
TRS rehnumao se mulaqaat ke baad Nizamabad mein media numaindoun se guftagu karte hue kaha ke hukmaran jamaat ku aalae ohday mileinge. Prashant Reddy ne kaha ke hukmaran jamaat aur MIM Supremo Asaduddin Owaisi ke darmain koi samjhota nahi hai.
Unhoun ne ye bhi kaha ke wo Chairman ka ohda MIM ko dainay ke liye tayyar nahi hain. Unhoun ne wazeh kiya ke oppostion jamaatoun ke ilzamaat mein koi sadaqat nahi hai ke, TRS, paisa aur sharaab, Aur taaqat ka ghalat istemaal kar rahi hai.
Prashant Reddy ne congress aur BJP par TRS ke khilaaf jhooti muhim chalanay par bhi tanqeed ki. Chunkay in ke pas intekhabat ladne ke liye koyi munasib umeed waar nahi hai, Lehaza wo ghalat propaganda ka sahara le rahay hain.
Wazeer transport ne awam ko tehreek pesh ki ke wo hama jahat taraqqi ke liye TRS ko vote den. Unhoun ne kaha ”Ham behtar sadkain banayen ge, Markazi bijli ke nizaam ko behtar banayen ge, Nizambad zila mein bijli ki farahmi, Zair zameen nikasi aabb, Parks aur deegar taraqiyati kamoun ko yakeeni banayen ge. –YTN STAFF