Agartala: Tripura mein ek intahi indohnak waqea mein, 3 mulzimein ne ek 15 sala school ki Taliba ka aghwa kar liya, Jis ke baad unhoun ne is na baligh ke sath zayad-ti ki aur usay khoon alood haalat mein pheink diya.
Police ke mutabiq, Navven jamaat mein padhnay wali ladki ko jummay ke roz is waqt aghwa kiya gaya tha, Jab wo Sepahijala zila ke Sonamura qasbay mein school se ghar laut rahi thi. Mulazmeen ne is ko aghwa karne ke baad usay ek daur daraaz ilaqay mein le gaye, Jahan unhoun ne is ladki ke sath zayad-ti ki phir usay Sonamura qasba ke nawah mein waqay Thakurmura ke ek qabarustan ke qareen raat ke waqt pheink diya.
Muqami logoun ne mutasirah ladki ko Sonamura Sub-Divisional Hospital mein daakhil karaya, Lekin is ki haalat tashweesh-naak honay ke sabab yahan se usay Govind Ballabh Pant Medical College aur hospital reffer kar diya gaya.
Ek police ohdedar ne bataya ke ek mulzim ko haftay ke roz giraftar kiya gaya tha aur dosray mulzim ke thikaanay par is se pooch taach ki ja rahi hai. Maqtolah ke waalid, Jo mazdoori karte hain, Police mein FIR darj karwai aur mulzmien ko kadi saza dainay ka mutalba kiya hai.
Mukhtalif khawateen tanzeemoun aur qanooni idaroun ke rehnumao ne mutasirah aur is ke ahal khanah se mulaqaat ki aur inhein mujrimoun ko sakht saza dainay ke iqdamaat karne ka yaqeen dilaya.
Wazeh ho ke rawan mah ke awail mein Tripura mein ek aur waqeya pesh aaya tha ke ek 17 sala ladki ke sath ek nojawan ne ek ladki ko daidh mah tak zayad-ti ka nishana banaya gaya tha aur is ke baad nojawan aur is ki maa ne ladki se shadi ka wada karkay jahez ki raqam lainay ke bawajood usay zindah jala diya tha. –YTN STAFF