Hyderabad : Hyderabad traffic police ne shehriyoun mein traffic aur road safety ke baarey mein mazeed shaoor baydaari ke liye aur hyderabad ki sadkoun ko mazeed mehfooz aur hadso se pak bananay ke liye muhim challatay hue, apni is muhim mein PVR cinema ko bhi shaamil kar liya hai. is silsila mein police commissioner kumar, IPS ne 50 shehriyoun ko Tehiniat paish ki, 10 tabars se traffic ki khilaaf varzi kiye baghair apni gadiyaan chala rahay hain aur ke traffic qawaid par amal kar rahay hain.
Un shehriyoun ko PVR Cinema ki janib se gift coupon diye gaye. is mauqa par additional commissionaire of police Hyderabad traffic Anil kumar ne PVR cinema ke sath ishtiraaq karte hue yeh nai pehal ka aaghaz kiya. jis ke liye PVR cinema ne ideal driveron ko film ke tickets muft paish kiye.
Unhon ne bataya ke musafireen ki hosla afzai aur sadkon par safar ke qawaid par amal kar ne ke liye un musafireen ko PVR cinema ne 200 gift coupon dainay ka faisla kiya hai aur har mah 200 behtareen drivers ko is terhan ke coupon diye jayenge. yeh silsila taqreeban 6 mah tak jari rahay ga. unhon ne bataya ke j taqseem kiye gaye cinema ke coupons 15 october tak car gird rahenge.
Police commissionaire Anjani Kumar ne is mauqa par hyderabad traffic ki pehal par musarrat ka izhaar kiya. unhon ne bataya ke shehar-e-hyderabad ek bain ul aqwami tijarti markaz ki hesiyat se ubhar kar aaya hai aur duniya bhar ki sarkardah companiyoun ne hyderabad mein apne units qaim kiye hain. Police commissionaire ne bataya ke mutadid log sadkon ke traffic ke qawaid par amal nah karne ki wajah se hi hadsaat mein apni jaan se haath dho baithtay hain.
Unhon ne walidain se darkhwast ki ke woh traffic qawaid par amal karen kunke unke bachay walidain ke sadkon par guzarnay ke douran ikhtiyar kardah rawayya ke zareya hi traffic qawaid ke baarey mein maloomat haasil karenge.
Is mauqa par PCR complex ke qareeb gadiyon ki talashi bhi li gayi. programme mein DCP traffic LS chauhan K Babu Rao , additional DCP traffic A.Bhaskar , P.Kruna kar aur hyderabad traffic police Inspector wo deegar mojood they. –YTN STAFF