Hyderabad: Naye saal ki aamad aamad hai aur aam aadmi se leker filmy duniya ki mashoor shaksiyatein naye saal ki tafreehat ka muqam aur andaz taye karliya hai taham is martaba corona ka bohraan, awami ijtemaat aur samaji fasloun ki tehdidat ne party ke shouqeen afrad ke liye muskilat badhadi hai. Corona ki wajah se mushkil tareen halaat ke bajod aam aadmi se leker filmi duniya ka har fard apne tor par naye saal ka kher Maqdam karne ke liye tayyar hai yeh hi wajah hai ke riyasat telngana ki filmi dunali jaise naamon ne Goa ko naye saal ki taqarib ke liye manzil bana liya hai.
Tollywood sanat ke kuch waaqif naam naye saal ke aaghaz ke liye Goa ke liye rawana hue hain. hyderabad se bahar udan bharnay wala pehla joda naga chaitnaya aur aur unki biwi adakara samantha tha jinhon ne Goa mein 2021 ka kher Maqdam karne ka faisla kiya hai. is jode ne Goa ka dora karne ka faisla kiya hai kyunkay woh wahan ek jaidaad ke maalik hain.
Is ke alawa Rakul preet singh jo haliya dinon mein corona se mutasir hui hain unhon ne ne mangal ke roz inkishaaf kiya hai ke ki report manfi aayi hai. Corona se sehat yab honay ke baad woh hyderabad se bahar ja chuki hain lekin naye saal ke liye unki manzil maloom nahi hai. Pichle saal 31 decemeber ko apne bhai anand ke sath Dubai mein rehne walay vijaya devarkonda ko is saal qareebi maqam Goa rawana hota dekha gaya hai aur unkay sath unke school ke dost ko bhi dekha gaya hai. Vjye sankranti ke baad poori jagannath ki agli film ki shooting shuru karenge. Lavanya tripathi ne taham apne ghar dehradun mein apne ahal-e-khanah ke sath naye saal ko kher Maqdam karne ka faisla kya hai.