Hyderabad: Qutub Shahi ehad ki Toli masjid ki moujooda intizamia committee ki muddat mulazmat mein towsee ko challenge karte hue senkdon crore maliyat ki 27 acre se ziyada ki munsalik jaedad hai, waqf kaarkunoun ne reyasti hukoomat ke khilaaf ratt petission dair karkay high court ke darwaaza khitkhitaya hai.
Darkhwast guzaar Osman bin Mohammad al-hajri jo congress ke rehnuma aur deccan waqf properties protection society ke sadar hain unhon ne ilzaam lagaya ke intizami committee ki Adam tawajhi ki wajah se haal hi mein Toli masjid ki kuch aur araazi par qabza kiya gaya hai aur telangana waqf board bar-waqt karwai karne mein nakaam raha.
Is baat par zor dete hue ke committee na sirf waqf amlaak ke tahaffuz mein nakaam rahi balkay is ne ab taq qabzoun ke khilaaf koi muqadma ya ratt bhi daakhil nahi ki. unhon ne khadsha zahir kiya ke Hyderabad ke rukan-e-parliment aur muqami MLA ki sifarish par waqf board ki tajdeed ki jarahi hai aur aglay board ijlaas mein mojooda committee mein towsee sara-sar ghair qanooni hai aur yeh qanoon aur sawab dedi ke khilaaf aur AP waqf managing committee regulation, 2009 ke khilaaf hai. adalat ke faislay ke mutabiq kisi committee ke doraniye ki bunyaad par towsee nahi ki ja sakti hai. kisi siyasi fard ki sifarish par bhi aisa nahi kiya ja sakta kyunkay wo aisa karne ke ahal nahi hota hai.
Mamlaat sambhalne ke tanaza ki soorat mein waqf board ke liye ye haq dena zurori hai ke wo poori zameen ko iske hawalay karne ki bajaye barah-e-raast intizam mein le jaye. Osmaan ne kaha ke yahan tak ke mojooda committee pehlay hi ilzamaat ka saamna kar rahi hai aur yahan tak ke mehakma assaar Qadima ne bhi iske khilaaf 2017 mein ek muqadma darj kiya tha. Toli masjid ki maliyat kahin lag bhag 600 crore rupay hosakti hai. siyasi sarparasti ke sath mojooda committee taqreeban do dahaiyo se mojood hai. Association of Saif waqf properties, general secretary syed Iftikhar hussaini ne kaha ke ziyada tar qabze mojooda intizami committee ke douran hue hain. waqf board bad unwaniyon ka saamna karne wali aur jiske daur intizami mein Toli masjid ki taqreeban tamam araazi par qabza kiya ja chuka hai is committee ko ye ikhtiyar kaisay day sakta hai ke woh apni miyad mein towsee haasil karle. –YTN STAFF