Bangkok: Thailand ke 66 sala Shah Maha Vajiralongkorn ne apne zaati salamti dastay ki deputy head aur khud se 26 saal kam Umar 40 sala Suthida Tidjaiko apni shareek-e-hayaat banatay hue inhen malika ka khitaab diya .
Tafseelaat ke mutabiq 66 sala Shah Maha Vajiralongkorn ne Chaharshambe ko shadi ki hai. unhon ne haftay se shuru honay walay apne bazabta tour par Taj poshi se mehez kuch din pehlay hi apni Muhafiz ko malka bananay ka faisla kya. woh apne waalid Shah Bhumibol Adulyadej ke october 2016 may hue intqaal ke baad aaini tour par badshah banaye gaye they. unke waalid ne 70 saal tak takhat sambhala tha .
Vajiralongkorn ne pehlay bhi kayi shadian ki hain aur teen martaba unka Talaq bhi hochuka hai. unke saat bachay bhi hain. Thailand ke log achanak hui is shadi se herat mein hain. shaam tak Thailand ke sabhi TV par shadi ki video aur tasweerain dikhayi jarahi theen. badshah ko king Raama X ke naam se jana jata hai .
Vajiralongkorn ko haftay ko tafseeli bodh aur barhaman taqreeb mein sarkari tour par taaj pehnaya jaye ga. 2014 mein Vajiralongkorn ne Suthida Tidjaiko apne body guard unit ki Deputy commander ke tour par tainaat kiya tha. Suthida Thai Airway mein Flight Attendant reh chuki hain .
Shahi awam aur berooni media ne kayi martaba Vajiralongkorn ka naam Suthida ke sath joda tha lekin Shahi mehal ki janib se kabhi is baarey mein kuch nahi kaha gaya. Decemeber 2016 mein Vajiralongkorn ne Suthida ko Shahi Thai fouj ki full jungi bana diya .
Iske baad Suthida ko 2017 mein Shah ki zaati security force ki deputy commander banayagya. Vajiralongkorn ne Suthida ko thaan poiying bhi banaya, jo Shahi khitaab hai jis ka matlab malika hota hai .
Thai TV channels ki janib se badshah ki shadi ke footage mein Shahi khandan aur musheeron ki shamoliat nazar aa rahi hai. Shah mutbarrik pani mailka Suthida ke sir par daaltay nazar aa rahay hain. baad mein dono ne register par bhi dastakhat kiye .– YTN STAFF