New Delhi: AP ki asal Opposition Telugu Desam ke arkaan parliament ney aaj qaumi dar-ul-hukoomat nai Delhi mein sadar jamhooria Ram Nath Kovind se mulaqaat ki. Is wafad ne un se shikayat karte huve kaha ke YS Jagan Mohan Reddy ki zair e qayadat YRS Congress ki 13 mah ke daur hukoomat ke douran Telugu Desam leaders par hamloun ke waqeat mein izafah huwa hai. Hukmaran jamaat makhasemat ki karwai kar rahi hai. Baad azan un leaders ne markazi wazeer dehi taraqqi Narender Singh Tomar se bhi mulaqaat ki aur MANAREGA scheme ke Bills ke masla par shikayat ki. Sadar jamhooria se mulaqaat karne walay wafad mein Jay Dev, Ram Mohan Naidu, Keshav Nani, Ravinder Kumar aur dosre shaamil thay.